«Интер Майами» клубунун чабуулчусу Лионель Месси спорт тармагындагы Астурия принцессасынын эл аралык сыйлыгын алды. Сыйлык тапшыруу аземи 23-октябрда Овьедо шаарындагы «Кампоамор» театрында өттү.

Сыйлык спорттогу жетишкендиктер жана кайрымдуулук ишмердүүлүгү үчүн берилет. Аземге 39 жаштагы футболчунун жубайы Антонелла Рокуццо да катышты. Анын алдында Месси «Реконкиста» мейманканасында сыйлык ээлери менен өткөн расмий жолугушууда Астурия принцессасы Леонордон лауреаттын белгисин алган.

Месси тарыхта «Алтын топту» сегиз жолу жеңген жалгыз футболчу болуп саналат. Аргентина курамасы менен дүйнө чемпиону болгон жана эки жолу күмүш медаль алган. Ошондой эле ал Испаниянын Ла Лигасынын, «Барселонанын» жана Аргентина курама командасынын тарыхындагы эң мыкты бомбардир болуп эсептелет.