Бир күн мурун Бишкектин Киев жана Исанов көчөлөрүнүн кесилишинде кызды сүзүп өлтүргөн айдоочу убактылуу кармоочу жайга киргизилди. Бул тууралуу укук коргоо органдарынан билдиришти.

Аталган факты боюнча КРнын Кылмыш-жаза кодексинин 312-беренеси (Жол кыймылынын жана транспорт каражаттарын эксплуатациялоонун эрежелерин бузуу) боюнча кылмыш иши козголуп, керектүү экспертизалар дайындалды.

Эскерте кетсек, кечээ, 7-апрелде “Субару Форестер” унаасынын айдоочусу алгач “Орел” үлгүсүндөгү унааны сүзүп, качып баратып кызды сүзгөн.

Кыз шаардагы ооруканалардын бирине жеткирилген. Бирок дарыгерлер анык сакта кала алышкан эмес, кыз алган жаракатынан улам каза болгон. Ал 26 жашта болчу.

Кыз каза болуп калды. Мас айдоочу алгач унаа, андан соң кызды сүзгөн