Ысык-Көл көлүнө куйган дарыяларга жалпы 800 миң даана карп-сазан балыгынын чабагы коё берилди. Иш-чараны Балык өнөр жайы комплекси департаментинин Тоң районундагы бөлүмү ишке ашырган.

Иш-чарага Туристтик-экологиялык милициянын, Экологиялык техникалык көзөмөл кызматынын, Улуттук илимдер академиясынын Биология институтунун, Тоң райондук ветеринардык башкармалыгынын өкүлдөрү жана жергиликтүү тургундар катышкан.

Балыктын чабактары төмөнкү аймактарга коё берилген:

• Караталаа айылындагы 7-участокко — 200 миң даана;
• Тоң айылындагы 15-участокко — 200 миң даана;
• Тосор айылындагы 19-участокко — 200 миң даана;
• 40-участокко — 200 миң даана.

Министрлик бул иштер Ысык-Көлдүн балык ресурстарын көбөйтүү жана көлдүн экосистемасынын биологиялык ар түрдүүлүгүн сактоо максатында жасалганын билдирди.