Кыргызстандын тышкы иштер министри Жээнбек Кулубаев күн мурун Сауд Арабия Королдугунун ТИМ башчысы ханзаада Файсал бин Фархан Аль Сауд менен телефон аркылуу сүйлөштү. Бул тууралуу кыргыз тышкы саясий мекемесинин басма сөз кызматы билдирет.

Сүйлөшүүнүн жүрүшүндө Кулубаев Жакынкы Чыгышта туруктуулукту жана коопсуздукту сактоонун маанилүүлүгүн баса белгиледи. Ошондой эле ал Кыргызстандын президенти Садыр Жапаровдун атынан Сауд Арабия элине тилектештигин билдирди.

Тараптар кырдаалдын тез арада басаңдашына, саясий-дипломатиялык диалогдун кайра жанданышына жана аймакта тынчтыкты, туруктуулукту калыбына келтирүүгө багытталган конкреттүү чаралардын кабыл алынышына үмүттөнөрүн билдиришти.