Бишкек шаарынын ички иштер башкы башкармалыгы борбор калаадагы бир нече мамлекеттик мекемелерге бомба коюлганы тууралуу маалыматтар тастыкталбаганын билдирди. Текшерүү иштеринин жыйынтыгында имараттардан жардыруучу заттар табылган жок.

Белгилей кетсек, борбор калаадагы 15тен ашык мамлекеттик мекемеге бомба коюлганы тууралуу билдирүүлөр түшкөн. Мындан улам Тышкы иштер министрлиги, Экономика министрлигинин жана Жогорку Кеңештин имараттарынан кызматкерлер эвакуацияланып, аянттар курчоого алынган. Окуя болгон жерлерге дароо милиция кызматкерлери, адистер жана кинологдор барып, коопсуздук чараларын көрүшкөн.

Милиция учурда калган бир нече объектилерде текшерүү иштери улантылып жатканын кошумчалады.