Бишкек: Үйлөрдү тоногондордун тобу кармалды

Бишкек: Үйлөрдү тоногондордун тобу кармалды

Октябрь райондук милициясы “Көк-Жар” жаңы конушунан үйлөрдүн биринен 50 миң 600 АКШ долларын тоноп кеткен уурулардын тобун тузакка илди. Бул туурасында аталган милиция бөлүмү билдирди.

Маалыматка караганда, 2-августтан үчүнө караган түнү  “Көк-Жар” конушундагы үйгө кирип чоң көлөмдөгү акчаны уурдап кетишкен. Бул боюнча кабар келип түшкөндөн соң ыкчам иликтөө иштери башталып, натыйжада башкалаадан эле  колго түшүшкөн. Алар төртөө болушкан. С.Б. аттуу 1999-жылы, С.Б. аттуу 2003-жылы, Э.А. аттуу 1998-жылы жана К.Б. аттуу 1999-жылы туулган жарандар кармалышкан.

Ушул тапта булардын иши тергөөдө. Эгерде жапа чеккендер болсо 0(555) 26-99-77  телефон номерине же  102 кызматына кабарлоону суранат шаардык милиция.

Рубрики: ЖАҢЫЛЫКТАР , КООМ

Поделиться в социальных сетях:

Тема боюнча жаңылыктар

Бардык жаңылыктар >>