Бишкек шаарында №1, №243 жана №226 автобустардын жол кыймылы убактылуу өзгөртүлдү. Бул тууралуу шаар мэриясы билдирди.

Маалыматка ылайык, өзгөрүү үстүбүздөгү жылдын 30-октябрына чейин Жукеев–Пудовкин көчөсүндө суу түтүктөрүн алмаштыруу иштери жүрүп жаткандыгына байланыштуу киргизилди.

“Оңдоо иштери жүрүп жаткан убакта аталган автобустар Сүйөркулов жана Жукеев–Пудовкин көчөлөрү аркылуу каттайт. Иштер аяктагандан кийин автобустар мурдагы каттамдары боюнча жүрө башташат”,- деп билдирди мэрия.