Бишкекте 12 миң доллар салынган сумкасын “Унаа” мекемесинин бөлүмүндө калтырып кеткен жаранга акчасы кайтарылды. Бул тууралуу аталган мекемеден билдиришти.

Окуя 28-ноябрда болгон. Бир жаран унаасын сатып, акчаны сумкасына салып, бирок аны күтүү залында унутуп кетип калган. Сумканы бир киши көрүп калып, мекеменин кызматкерлерине тапшырган.

Ал эми кызматкерлер сумканын ээсин издеп таап, акчасын кайтарган.

“Унаа” мекемеси кайдыгер карабай, жоголгон сумканы алардын кызматкерине кайтарып берген жаранга ыразычылык билдирет.