Кемин райондук шаар куруу жана архитектура башкармалыгы Жибек-Жолу көчөсүн жашылдандыруу жана көрктөндүрүү боюнча долбоор даярдады. Бул тууралуу Курулуш министрлиги билдирди.

Иштердин алкагында көчөнүн архитектуралык көрүнүшү жакшыртылат жана жол жээгиндеги аймактар жашылдандырылат. Долбоор шаар тургундары үчүн шарттарды түзүү жана борбордук көчөлөрдүн эстетикалык сапатын жогорулатуу максатын көздөйт.

Мекеменин маалыматында, долбоор Кемин шаарынын мэри Канболот Тутуевдин демилгеси менен иштелип чыккан. Учурда аны ишке ашыруу иштери башталды.

Эске салсак, буга чейин Кемин шаарындагы имараттардын сырткы көрүнүшү бирдиктүү дизайн-кодго келтирилери айтылган.