Жаратылыш ресурстары министрлигинин Ош регионалдык башкармалыгы «Кулун-Ата» мамлекеттик жаратылыш коругундагы биологиялык ар түрдүүлүккө жүргүзүлгөн кезектеги мониторингдин жыйынтыгын чыгарды. Коруктун аймагына орнотулган фотокапкандар Кыргызстандын Кызыл китебине кирген сейрек кездешүүчү жапайы жаныбарларды видеого жана сүрөткө тартып алган.

Камералардын объективине Тянь-Шань күрөң аюусу, илбирс, тоо теке жана коруктун башка жашоочулары түшкөн. Экологдордун айтымында, жаныбарлардын күндүзгү жана түнкү активдүүлүгүн чагылдырган кадрлар жергиликтүү экосистеманын туруктуу абалын жана аймактын мыйзамсыз мергенчилерден (браконьерлерден) натыйжалуу корголуп жатканын далилдейт.

Ведомствонун адистери мыйзамсыз аңчылыкка бөгөт коюу жана жапайы жаратылыштын табигый тең салмактуулугун сактоо максатында өзгөчө корголуучу жаратылыш аймактарында үзгүлтүксүз рейддерди жана көзөмөлдөө иштерин улантууда.