Бишкек электр тармактар ишканасы (КУЭТке караштуу түзүм) карызы бар абоненттердин электр энергиясы алдыда аралыктан өчүрүлөрүн маалымдайт.

Маалыматка ылайык, 27-июлда Бишкекте АИСКУЭ акылдуу эсептегичтери дебитордук карызы бар 5 миңден ашуун абоненттин электр энергиясын аралыктан автоматтык түрдө өчүрөт.

Энергетиктер жарыксыз калбоо үчүн абоненттерди керектелген электр энергиясы үчүн карызын төлөөгө чакырат.

Өздүк эсептин абалын текшерүү үчүн ишкананын расмий сайтында «Абоненттин балансы» сервиси иштейт, андан тиричилик жана өнөр жай керектөөчүлөрү пайдалана алышат.

Мындан тышкары, тиричилик абоненттери балансын «Мой свет» мобилдик тиркемеси аркылуу да биле алышат.

Кошумча маалыматты күнү-түнү иштеген колл-борбордун төмөнкү номерлерине чалып алууга болот:

• 105;
• 0772 001 209, 0556 001 209;
• WhatsApp: 0702 001 209.