Бишкекте бүгүн, 5-сентябрда «Кыргызалтын» компаниясынын алтын куймаларды саткан дүкөнү ачылды. Бул тууралуу аталган компания билдирди.
Кыргызстанда чыгарылган алтындарды саткан дүкөн «Т. Абдымомунов көчөсү 195» дарегинде жайгашкан. Ал үчүнчү күндөн базар күнгө чейин саат 10:00дон 19:00го чейин иштейт. Саат 13:00-14:00 аралыгында түшкү тыныгуу болот.
Дүкөндө 1 грамм, 2 грамм, 10 грамм жана 20 граммдык алтын куймалар сатылууда. Сентябрь айынын аягына чейин 5 грамм, 31,1035 грамм (1 унция), 50 грамм жана 100 граммдык куймаларды сатыкка чыгаруу пландалууда. Сатылып жаткан алтын куймалардын ар биринде QR-коду бар.
Алтынды сатуу жана сатып алуунун баасы Лондондун баалуу металлдар биржасындагы баага карап күн сайын жаңыланып турат.
