1–6-сентябрь күндөрү Ысык-Көл облусунда VI Дүйнөлүк көчмөндөр оюндары өтөт. Иш-чара учурунда көрүүчүлөрдүн жана спортчулардын коопсуздугун камсыз кылуу максатында айрым буюмдарды алып кирүүгө чектөөлөр киргизилди.

Маданият министрлиги төмөнкү буюмдарды оюндар өтүүчү аймактарга алып кирүүгө тыюу салынарын билдирди:

• Курал-жарак жана ок-дарылар;
• Бычак жана курч жээктүү буюмдар;
• Жарылуучу заттар жана пиротехникалык каражаттар;
• Күйүүчү жана химиялык заттар;
• Спирт ичимдиктери;
• Айнек идиштер жана айнектен жасалган буюмдар;
• Лазер көрсөткүчтөр;
• Уруксаты жок дрондор жана учуучу аппараттар.

Уюштуруучулар көрүүчүлөрдү оюндар өтүүчү аймактарга кирер алдында сумкалардагы буюмдарды алдын ала текшерип алууга чакырды. Бул эрежелерди сактоо коопсуздукту камсыз кылуу үчүн милдеттүү болуп саналат.

Reporter.kg редакциясы VI Дүйнөлүк көчмөндөр оюндарынын маалыматтык өнөктөшү болуп саналат. Өнөктөштүктүн алкагында басылма Оюндарга даярдык көрүү жана анын өтүү жүрүшүн чагылдырат, мелдештер, маданий программалар жана башка иш-чаралар тууралуу жаңылыктарды жарыялайт.