2021-жылдан 2026-жылдын июль айына чейин мамлекеттик бюджетке түшкөн бажы төлөмдөрүнүн суммасы 619,1 млрд сомго жетти. Бул тууралуу президенттик администрациянын маалыматтык саясат кызматынын жетекчиси Дайырбек Орунбеков билдирди.

Анын айтымында, бул сумма 1991-жылдан 2020-жылга чейин, 30 жыл ичинде, чогултулган жалпы бажы төлөмдөрүнүн көрсөткүчүнөн жогору. Бул жылдары бюджетке бажыдан 452,7 млрд сом түшкөн.

Ошондой эле Орунбеков Кыргызстан 2015-жылы ЕАЭБге киргенден кийин Бажы кызматы 18 млрд сом өлчөмүндөгү төлөмдөрдү администрациялоону токтотконун билдирди. Бул Орусия, Казакстан, Армения жана Беларусиядан импорттолгон товарларды көзөмөлдөө жана төлөмдөрдү кабыл алуу функциясы Салык кызматына өткөндүгү менен байланыштуу.