Бишкекте  16-18-май күндөрү Бишкек шаарында ат спортунун секирүү түрү (CSI-W) боюнча Дүйнө Кубогунун этаптык мелдеши өтөт. Бул тууралуу konkur_pro Instagram баракчасы аркылуу маалымдалды.

Мелдеш Эл аралык ат оюндары федерациясынын (FEI) алкагында уюштурулуп, ага Кыргызстан, Казакстан, Өзбекстан жана башка өлкөлөрдүн алдыңкы чабандестери катышары күтүлүүдө.

Бул турнирде спортчулар рейтингдик упайларды топтоп, ошондой эле FEI дүйнөлүк ат оюндарына катышуу үчүн квалификациялык нормаларды аткарууга мүмкүнчүлүк алышат.

Иш-чаранын программасында мелдештер менен катар кийим дизайны боюнча таймаштар, көңүл ачуучу элементтер да каралып, көрүүчүлөр үчүн кызыктуу шарттар түзүлөт. Кирүү акысыз.