Бишкекте аял киши катуу сабалып, каза болгон. Бул тууралуу Ленин райондук милициясынан билдиришти.

Милициянын маалыматы боюнча, 9-ноябрга караган түнү шаарда 30-35 жаштагы аялдын сөөгү табылган. Кийин ал 38 жаштагы Н.В. экени аныкталган.

Аталган факт боюнча Кылмыш-жаза кодексинин 130-беренесинин 3-бөлүгү (адам өлүмүнө алып келген ден соолукка оор залал келтирүү) менен кылмыш иш козголгон.

Иликтөө иштеринин натыйжасында шектүү катары 33 жаштагы П.Д. аттуу жаран кармалган. Ал соттун чечими менен тергөө аяктаганга чейин 2 айга камакка алынган.

Тергөө иштери уланууда.