1-октябрда саат 09:00дөн 19:00гө чейин Бишкек шаарынын «Калыс-Ордо» конушунда ичүүчү суу берүү убактылуу токтотулат. Бул тууралуу борбор калаанын мэриясы маалымдады.

Суу берүүнү токтотуу «Калыс-Ордо-1» жана «Калыс-Ордо-2» суу топтомолорунда, ошондой эле шаардык суу түтүк тармактарында оңдоо-профилактикалык иштердин жүргүзүлүшү менен түшүндүрүлөт. Чектөө аталган конуштагы турак жайларга, мектептерге, бала бакчаларга, саламаттык сактоо жана өндүрүш объекттерине тиешелүү.

«Бишкексууканал» ишканасы тургундарды жана мекемелерди ичүүчү суу камдап алууга чакырат. Суунун өчүрүлүшү боюнча билдирмелерди «Менин шаарым» тиркемесинен да алууга болот.