Бир жума ичинде Бишкек шаарында 6431 жол эрежесин бузуу фактысы аныкталды. Бул тууралуу Патрулдук милициянын басма сөз кызматы билдирди.

Маалыматка ылайык, 68 айдоочу мас абалында унаа башкарса, 16 унааны тонировка менен, 39 айдоочулук күбөлүгү жок токтотулган, 86 айдоочу унааны каттоо тартибин бузгандыгы үчүн жана 6 миң башка эреже бузуулар менен катталган.

Ошондой эле 208 жөө жүрүүчү жана велосипедчендерге айып пул салынды.

Патрулдук милициянын кызматкерлери жарандардан өздөрүнүн коопсуздугу үчүн жол эрежесин так сактоону суранат.