Бишкекте чет элдик жарандар мушташып кеткен. Бул тууралуу Свердлов райондук милициясы кабарлады.
Милиция билдиргендей, 3-ноябрда саат 04:50дө аларга чет элдик жарандар мушташып жатканы тууралуу маалымат түшкөн. Жерине кайгуул кызматкерлери барып, чет өлкөнүн жарандары пикир келишпестиктен улам мушташып кеткенин аныктаган.
Бул окуя боюнча милицияга 23 жаштагы Х.Т. жана У.М. аттуу чет элдиктер жеткирилген. Алардын бири У.М. милицияга арыз жазган.
Учурда тиешелүү экспертизалар дайындалып, тергөө жүрүүдө.
