Бишкекте дайынсыз болуп жаткан 14 жаштагы Ислам Мамырканов аман-эсен табылды. Бул тууралуу Свердлов райондук милициясынан билдиришти.

Маалым болгондой, баланын апасы 9-апрелде милицияга арыз менен кайрылган. Ал уулу 8-апрелде болжол менен саат 13:00до Бишкектин Аламедин-1 кичи районундагы үйүнөн чыккан бойдон кайра келбегенин айтып, аны табууга жардам сураган.

Өспүрүм бала 11-апрелде аман-эсен табылып, ата-энесине өткөрүлүп берилген. Ошондой эле баланын ата-энеси менен түшүндүрүү иштери жүргүзүлгөн.