Бишкекте “Ала-Тоо” аянты оңдоп-түзөөдөн өткөрүлөт. Бул тууралуу мэриядан билдиришти.

Маалым болгондой, учурда реконструкциялоонун эскиздик долбоору “Бишкекбашкыархитектура” ишканасы тарабынан дээрлик даярдалып бүттү. Жакынкы арада аянтта оңдоп-түзөө иштери башталат. Ага байланыштуу коомдук жайлар, Эмгек Даңкы, Достук скверлери, Таттыбүбү Турсунбаева жана эл достугу монументи, анын ичинде “Ала-Тоо” аянтындагы жөө жүргүнчүлөр баскан жерлер убактылуу жабылат.

Мэрия жарандардан келтирилген ыңгайсыздыктар үчүн кечирим сурайт.