Бүгүн, 9-декабрда Бишкекте Жогорку Евразиялык экономикалык кеңештин жыйыны башталды, деп билдирди өлкө башчынын басма сөз кызматы.
“Ала-Арча” мамлекеттик резиденциясынын Конгресс-холлунун алдында президент Садыр Жапаров Евразиялык экономикалык биримдикке мүчө-өлкөлөрдүн лидерлеринин ар бирин – Армениянын премьер-министри Никол Пашинянды, Беларусиянын президенти Александр Лукашенкону, Казакстандын президенти Касым-Жомарт Токаевди, Россиянын президенти Владимир Путинди тосуп алды.
Кол алышуу жана биргелешкен сүрөткө түшүү аземи аяктагандан кийин мамлекет башчылары Жогорку Евразиялык экономикалык кеңештин тар курамдагы жыйыны өтүүчү залга өтүштү.
Биздин Телеграм каналга катталыңыз
