Бишкек шаарында эки жер үстүндөгү жөө адамдар өтүүчү көпүрөнүн техникалык ачылышы болуп, пайдаланууга берилди. Объектилердин бири Жибек Жолу проспектисиндеги Аламүдүн базарынын аймагында, экинчиси 7-Апрель көчөсүндө жайгашкан.

Шаар мэриясынын маалыматында, Жибек Жолу проспектисиндеги өтмөктүн узундугу 27 метрди, ал эми 7-Апрель көчөсүндөгү көпүрөнүн узундугу 37 метрди түзөт. Өтмөктөр лифттер менен жабдылып, жөө жүргүнчүлөр, анын ичинде майыптыгы бар жарандар үчүн инфраструктура каралган.

Учурда объектилерде техникалык иштердин акыркы этабы аткарылууда. Жакынкы күндөрү көпүрөлөр толук пайдаланууга берилет.