Бүгүн, 1-майда Бишкек шаарында фонтан сезону расмий түрдө ачылды. Бул тууралуу шаар мэриясы билдирди.

«Тазалык» ишканасы 17 шаардык фонтанды ишке киргизген. Алар күн сайын саат 9:00дөн 21:00гө чейин иштейт, техникалык тыныгуу саат 13:00төн 16:00гө чейин каралган.

“Фонтандар Бишкекке жан киргизип, эс алуу жана жайлуулук атмосферасын тартуулайт. Баардыгыңызды шаардагы бул кооз жерлерге келип, булактын жамгырындай жагымдуу үндөрү коштогон жазгы маанайдан ырахат алууга чакырабыз”,- деп билдирди мэрия.