Бишкекте грек-рим, эркин жана кыз-келиндер күрөшү боюнча Каба уулу Кожомкул жана Раатбек Санатбаев атындагы дүйнөлүк рейтингдик мелдеш өтөт. Бул тууралуу Дене тарбия жана спорт департаментинен билдиришти.
Мелдеш 1-4-июнь күндөрү өтүп, ага жалпысынан дүйнөнүн 24 өлкөсүнөн 600дөн ашык спортчу катышат.
Күрөш он салмактык категорияда өтүп, жалпы 30 комплект медаль ойнотулат.
Грек-рим күрөшү: 55, 60, 63, 67, 72, 77, 82, 87, 97, 130 кг;
Эркин күрөш: 57, 61, 65, 70, 74, 79, 86, 92, 97, 125;
Кыз-келиндер күрөшү: 50, 53, 55, 57,59, 62, 65, 68, 72, 76.
Турнирдин программасы:
1-июнь — Грек-рим күрөшү боюнча беттештер;
2-июнь — Грек-рим жана кыз-келиндер күрөшү боюнча беттештер;
3-июнь — Кыз-келиндер жана эркин күрөш боюнча беттештер;
4-июнь — Эркин күрөш боюнча беттештер.
Белгилей кетсек, мелдеш «Бишкек-Арена» муз аянтчасында өтөт. Беттештер күн сайын саат 10:30да башталат. Финалдык беттештер 18:00до.
Биздин Телеграм каналга катталыңыз
