5-ноябрда Бишкек шаарындагы «Жаштык Аренада» «Кыялымдагы Кыргызстан» аталышындагы жаштар форуму өтөт. Бул тууралуу Маданият министрлиги билдирди.

Форумдун максаты — жаштардын өлкөнүн өнүгүүсүнө багытталган демилгелерин колдоо, алардын коомдук жана социалдык процесстерге катышуусун кеңейтүү, ошондой эле пикир алмашуу үчүн аянтча түзүү болуп саналат.

Иш-чарага студенттер, жаштар жана уюмдардын лидерлери катышып, өлкөнүн келечеги боюнча сунуштарын билдире алышат.

Форумга катышуу үчүн каттоо жогорку окуу жайлары аркылуу жүргүзүлөт. Каалоочулар өздөрү окуган окуу жайларга кайрылышы керек.