Бишкекте 42 жаштагы жаран үй-бүлөлүк зомбулук фактысы боюнча 3 күнгө камакка алынды. Бул тууралуу Октябрь райондук милициясынан билдиришти.
Маалыматка караганда, 24-январга караган түнү “102” кызматына үй-бүлөлүк зомбулук фактысы тууралуу маалымат түшкөн. Жерине милиция кызматкерлери барып, аталган маалымат тастыкталган. 42 жаштагы М.Э. аттуу жаран мас абалында сөгүнүп, үй-бүлөсүнө тынчтык бербей жаткан.
Бул факт каттоого алынып, териштирүү иштери башталган.
Аталган жаран милицияга жеткирилип, ага Административдик жоопкерчилик жөнүндө кодексинин 70-беренесинин (үй-бүлөлүк зомбулук) негизинде протокол түзүлгөн. Андан кийин ал Октябрь райондук сотуна жеткирилип, соттун чечими менен 3 күнгө убактылуу кармоочу жайга камакка алынган.
Милиция үй-бүлөлүк зомбулуктан жабыркаган же күбө болгон жарандарды “102” кызматына кабар берүүсүн суранат.
