Бишкек шаарынын Свердлов районундагы №2 медициналык-социалдык эксперттик комиссиясынын кызматкерлери пара алууга шектелип кармалышты. Бул тууралуу Улуттук коопсуздук боюнча мамлекеттик комитети (УКМК) билдирди.

Атайын кызматтын маалыматында, иликтөөнүн жүрүшүндө комиссиянын төрагасы «Ч.Т.И.» жана эксперт-дарыгер «Т.Э.М.» кармалган. Алар майыптуулукту белгилөө жана аны узартуу маселелерин чечүү үчүн системалуу түрдө акча алып турушканы аныкталган.

Бул факт боюнча Кылмыш-жаза кодексинин «Пара алуу» беренеси менен кылмыш иши козголуп, тергөө уланууда.