7-октябрда саат 09:00дөн 20:00гө чейин Бишкек шаарынын бир катар көчөлөрүндө ичүүчү сууну берүү токтотулат. Бул тууралуу борбор калаанын мэриясы билдирди.

Суу өчүрүлүүчү аймак Чүй проспектиси, Ибраимов көчөсү, Фрунзе көчөсү жана Осмонкул көчөсү менен чектелет. Чектөө турак жайларга, мектептерге, мектепке чейинки билим берүү мекемелерине, саламаттык сактоо, социалдык жана өнөр жай объекттерине тиешелүү.

Суу берүүнү токтотуу диаметри 500 мм болгон суу түтүгүндө оңдоо иштерин жүргүзүүгө байланыштуу.

«Бишкексууканал» ишканасы жарандардан жана уюмдардан ичүүчү сууну алдын ала камдап алууну эскертти. Өчүрүүлөр боюнча маалыматтар «Менин шаарым» мобилдик тиркемесинде да жеткиликтүү.