УКМК Бишкек мэриясына карашташтуу «Төмөнкү Ала-Арча» муниципалдык аймактык башкармалыгынын башчысынын орун басары Т.К.Ч. күйүүчү-майлоочу материалдарды саткан пункттарды жана муниципалдык жер тилкелерин мыйзамсыз ижарага берип, системалуу түрдө мыйзам бузганын аныктады.

УКМКнын маалыматына ылайык, 4-августта ал 2 300 доллар өлчөмүндөгү пара алып жаткан учурда, өз иш бөлмөсүндө кармалды.

Азыркы учурда бул ишке тиешеси болушу мүмкүн болгон башка адамдарды аныктоо боюнча ыкчам-иликтөө иштери жүрүп жатат.

“Коррупциялык фактылар тууралуу маалыматыңыз болсо, УКМКга 0312 62-05-85 номери аркылуу кабарлоого болот”,-деп айтылат маалыматта.