Бишкекте милициянын кайгуул кызматкерлери өз жанын кыюуга аракет кылган адамды аман алып калды. Бул тууралуу шаардык милициянын маалымат кызматы билдирди.

Маалыматка караганда, окуя 8-мартта болжол менен саат 18:17де Ботаникалык бакчада болгон. 27 жаштагы шаар тургуну зымдан сыйыртмак жасап, өз жанын кыяйын деген. Жигит бакка чыгып турганда, аны кайгуул кызматкерлери көрүп калып, дароо сүйлөшүүгө киришкен. Жыйынтыгында милиция кызматкерлери жигитти өз өмүрүнө кол салууга барбоого көңдүрүп, жерге түшүрүшкөн.

Андан кийин ал окуянын чоо-жайын тактоо үчүн милицияга жеткирилген.