Бүгүн, 19-сентябрда, Бишкектин Орок айылында XIX кылымдын көрүнүктүү мамлекеттик ишмери Нүзүп Аталыктын айкелинин салтанаттуу ачылышы болду. Бул тууралуу УКМКнын басма сөз кызматы билдирди.

Салтанатка УКМКнын төрагасы Камчыбек Ташиев, Жогорку Кеңештин төрагасы Нурланбек Тургунбек уулу, Бишкек шаарынын мэри Айбек Жунушалиев, жазуучулар, тарыхчылар катышкан.

Айкел Жайыл Баатыр, Барпы Алыкулов жана Муромск көчөлөрүнүн кесилишинде жайгашкан. Автору – скульптор Сейит Калбаев. Айкелдин бийиктиги 5,8 метрди түзөт, постаментинин бийиктиги 7 метрге жетет.