21-июнда Бишкек шаарындагы Т. Усубалиев атындагы аянтта Olympic Day эл аралык спорттук майрамы өтөт. Бул тууралуу борбор калаанын мэриясы билдирди.

Иш-чаранын катышуучуларын чогултуу саат 09:00дө башталат. Ал эми чуркоого саат 10:00дө старт берилет. Жөө күлүктөрдүн маршруту Абдымомунов, Орозбеков, Раззаков жана Рыскулов көчөлөрү аркылуу өтөт.

Спорттук майрамга байланыштуу 21-июнда саат 08:00дөн 14:00гө чейин аталган көчө тилкелеринде автотранспорт каражаттарынын кыймылына убактылуу чектөө киргизилет.

Бишкек шаарынын мэриясы тургундарды жана калаа меймандарын жүрүү багыттарын алдын ала пландаштырууну жана айланма жолдорду пайдаланууну суранды.