Бишкек шаарында өз өмүрүн кыюуга аракет кылган 43 жаштагы жаран куткаруучулардын жардамы менен аман калды. Бул тууралуу ӨКМ билдирди.

Маалыматка ылайык, кечээ, 27-май күнү куткаруу кызматына Бишкектин Октябрь районунда 1982-жылы туулган эркек киши бактын үстүнө чыгып, өз жанын кыюуга аракет кылып жаткандыгы тууралуу маалымат келип түшкөн.

Окуя болгон жерге ӨКМнын 4 куткаруучусу барып, ыкчам аракеттерди жасап,  куткаруу шаймандарынын жардамы менен жаранды бактан аман-эсен түшүрүшкөн.