25–30-октябрь күндөрү Ысык-Көл жээгиндеги Чолпон-Ата шаарында ат үстүндөгү спорттук туризм боюнча дүйнө чемпионаты өтөт. Бул тууралуу Кыргызстандын Спорттук туризм боюнча федерациясы билдирди.

Мелдеш төрт дисциплина боюнча уюштурулат: узак аралык (багыт алуу), кыска аралык (тоскоолдуктарды басып өтүү), командалык жарыш жана эстафета.

Турнирге Кыргызстан, Орусия, Германия, Казакстан жана Өзбекстандын курама командалары катышат.

Ачылыш аземи 26-октябрга, ал эми жыйынтык чыгаруу жана сыйлоо аземи 30-октябрга пландалган. Иш-чараны Эл аралык спорттук туризм федерациясы жана Кыргызстандын Спорттук туризм федерациясы уюштурууда.