Кыргызстандын президенти Садыр Жапаров бүгүн, 22-октябрда, Жалал-Абад облусуна иш сапары менен барат. Бул тууралуу мамлекет башчысынын басма сөз катчысы Аскат Алагозов билдирди.

Сапардын алкагында президент облустун райондорунун тургундары менен жолугушууларды өткөрөт.

Мындан тышкары, Жапаров жергиликтүү бийлик жетекчилеринин аймактагы учурдагы социалдык-экономикалык абал жана аны мындан ары өнүктүрүүнүн келечеги тууралуу баяндамаларын угат.