Бишкек шаарынын Октябрь райондук сотунун судьясы чет элдик инвестордун мүлкүн тартып алууга көмөктөшкөнү аныкталды. Бул тууралуу Башкы прокуратурадан билдиришти.

Маалыматка караганда, “К.С.” компаниясынын жетекчиси чет элдик инвесторлор ээлик кырган көп кабаттуу имараттагы бөлмөлөрду 25 жаранга сатып жиберген. Кийин Бишкектин Октябрь райондук сотунун судьясы бөлмөлөр алдамчылык жол менен сатылганын билип туруп, мыйзамсыз чечим чыгарган.

Бирок аталган чечим жогорку сот органдары тарабынан мыйзамсыз жана негизсиз деп табылып, жокко чыгарылган.

Бул окуя боюнча Кылмыш-жаза кодексинин 352-беренеси (сот адилеттигине жатпаган өкүмдү же башка соттук актыны чыгаруу) менен кылмыш иши козголуп, тергөө амалдарын жүргүзүү УКМКсына тапшырылган.