12-июнда саат 15:00дө Гапар Айтиев атындагы Кыргыз улуттук көркөм сүрөт музейинде сүрөтчү Александр Дильбазинин «Анар багы» аттуу жеке көргөзмөсүнүн ачылышы болот. Бул тууралуу Маданият министрлиги жарыялады.

Көргөзмө 2015-жылы Москвада башталган «Анар качан гүлдөйт?» аттуу сериянын уландысы болуп саналат. Бул мезгил аралыгында экспозиция жаңы чыгармалар жана сюжеттер менен толукталып, кеңейтилген. Көргөзмөнүн философиясы Чыңгыз Айтматовдун адамдын эс-тутуму жана руханий дүйнөсү тууралуу ойлору менен байланышта каралат.

Иш-чара 12-июндан 28-июнга чейин уланат. Көргөзмөнүн куратору — Екатерина Дильбази. Уюштуруучулар борбор калаанын тургундарын жана конокторун аталган көркөм дүйнө менен таанышууга чакырды.