Бишкекте унаа айдап качууга аракет кылган шектүү кармалды. Бул тууралуу милициянын кайгуул кызматы кабарлайт.
Маалыматта айтылгандай, шаар тургунун милицияга арыз менен кайрылган. Айтымында, үйүнүн короосунда токтоп турган “Honda CRV” үлгүсүндөгү автоунаасын белгисиз жаран мыйзамсыз ачып, белгисиз тарапка айдап кеткенге аракет жасаган.
Көрүлгөн ыкчам аракеттердин натыйжасында бул ишке шектүүкатары 18 жаштагы жаран кармалган.
Бул факты Кылмыштардын жана жооруктардын бирдиктүү рейсттине катталып, сотко чейинки өндүрүшкө алынган.
