Кыргызстандын мектептери үчүн табигый илимдер жана математика сабактары боюнча жалпы 238 миң 430 нуска иш дептери басылып чыгарылды. Бул тууралуу Агартуу министрлиги билдирди.

Иш дептерлери кыргыз, орус мектептеринин 2- жана 8-классынын окуучулары үчүн даярдалган:

• 2-класстын «Табигый илимдер» предмети боюнча (кыргыз тилинде) — 88 миң 505 даана;
• 2-класстын «Табигый илимдер» предмети боюнча (орус тилинде) — 56 миң 175 даана;
• 8-класстын «Математика» предмети боюнча (орус тилинде) — 93 миң 750 даана.

Министрлик бул окуу-методикалык куралдар жакынкы аралыкта аймактардагы билим берүү мекемелерине жеткирилерин билдирди.