Бишкекте унаанын эшигин талкалап кирип, акча жана тапанча уурдоого шектелген 35 жаштагы адам кармалды. Шаардык милициядан билдиргендей, шектүү уюшкан кылмыштуу топтун мүчөсү катары каттоодо турган.
Окуя 29-июнь күнү Жал кичи районундагы мечиттин жанында болгон. Шектүү унаага кирип 3 миң доллар жана газ-травматикалык тапанчаны уррдап кеткен. Бул факты “уурулук” беренеси боюнча Кылмыштар менен жоруктардын бирдиктүү ресстрине катталып, тергөө иштери жүрүүдө. Кармалган адам убактылуу кармоо жайына киргизилген.
