27-августта саат 09:00дөн 21:00гө чейин Бишкектин 9-кичи районунун бир бөлүгүндө ичүүчү суу берүү токтотулат. Бул тууралуу шаар мэриясы маалымдады.

Суу берүү диаметри 200 мм болгон суу түтүгүндөгү аварияны жоюу иштерине байланыштуу өчүрүлөт. Суу токтотула турган аймак Малдыбаев, Сүйөркулов, К. Тыныстанов жана И. Ахунбаев көчөлөрү менен чектелет.

Чектөө турак жай имараттарына, мектептерге, бала бакчаларга, саламаттыкты сактоо мекемелерине, социалдык жана өндүрүштүк объектилерге жайылтылат.

«Бишкексууканал» ишканасы жашоочуларды жана уюмдарды ичүүчү сууну алдын ала камдап алууга чакырды. Суу өчүрүүлөрү тууралуу билдирмелерди «Менин шаарым» мобилдик тиркемеси аркылуу да алууга болот.