Кыргыз Республикасынын Соода-өнөр жай палатасынын президиуму 10 өлкөгө өзүнүн өкүлдөрүн дайындады. Бул тууралуу мекеменин басма сөз кызматы билдирди.

Жаңы өкүлдөр Өзбекстанда, Испанияда, Швейцарияда, Кытайдын Чжэцзян провинциясында жана Чунцин шаарында, Болгарияда, Иранда, Индияда, ошондой элеТүркияда иш алып барат.

Алар кыргыз жана чет элдик ишкерлердин ортосунда түз байланыштарды камсыз кылуу, инвесторлорду тартуу, ата мекендик продукцияны жайылтуу жана бизнес миссияларын уюштуруу боюнча иш алып барышат. Палата бул кадам кыргыз бизнеси менен чет элдик өнөктөштөрдүн ортосунда практикалык көпүрө болорун билдирди.