24-июндан тарта Бишкек шаарындагы Жаш Гвардия бульвары менен Лев Толстой көчөсүнүн кесилиши жабылып, унаа кыймылына чектөө киргизилет. Бул тууралуу мэриянын басма сөз кызматы билдирди.

Чектөө аталган кесилиште жаңы транспорттук түйүн жана көпүрө куруунун экинчи этабына байланыштуу киргизилет. Долбоордун биринчи этабында Бакаев көчөсүн Бөкөнбаев көчөсүнөн Лев Толстой көчөсүнө чейин узартуу иштери аткарылган.

Мэрия айдоочуларды жол жүрүү багыттарын алдын ала пландаштырууга чакырды.