Бишкектеги дүкөндөрдө жашылчалардын баасы кескин арзандады. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.

Маалыматка ылайык, азык-түлүк товарларынын бааларына жума сайын мониторинг жүргүзүлүп турат. 14-августтагы көрсөткүчтөр 5-августка салыштырмалуу социалдык маанилүү азык-түлүктөрдүн айрым түрлөрүндө баанын төмөндөгөнүн көрсөттү.

Айрыкча жашылчалар боюнча төмөнкү өзгөрүүлөр катталды:

• Сабиз — 49 сом, 15,5%га арзандады (мурун 58 сом)
• Пияз — 43 сом, 4,4%га арзандады (мурун 45 сом)
• Картөшкө — 45 сом, 8,0%га арзандады (мурун 49 сом)
• Капуста — 27 сом, 10,0%га арзандады (мурун 30 сом)

Министрлик баанын түшүшүн жергиликтүү өндүрүүчүлөрдөн жеткирүү көлөмүнүн көбөйүшү менен байланыштырды. Баалардын динамикасын көзөмөлдөө иши мындан ары да улантыла турганы белгиленди.