Аба ырайынын божомолуна таянып, мэрия жылытуу сезонун 3-ноябрда баштоо чечимин кабыл алды. Бул тууралуу Reporter.kg агенттигине мэриядан билдиришти.

Жылуулук алгач социалдык объекттерге — мектептерге, бала бакчаларга, оорукана жана төрөт үйлөрүнө, ошондой эле социалдык коргоо мекемелерине берилет. Андан кийин көп кабаттуу турак үйлөр жана жеке сектор кошулат.

Белгилей кетсек, кийинки жумада абанын температурасы нөлдөн төмөн түшөт деп күтүлүүдө.