Көк-Жар айылында «тез жардам» унаасы жөө өткөөлдөн өтүп бара жаткан эркекти сүзүп, анын өлүмүнө алып келди. Кадрларда «тез жардам» унаасы 7-Апрель көчөсү менен катуу ылдамдыкта бара жатып адамды сүзүп алганын көрүүгө болот.

Посмотреть эту публикацию в Instagram

Публикация от Reporter.kg (@reporter_kg)

Бишкек ШИИББинин Патрулдук милиция башкармалыгынын басма сөз кызматы Reporter.kg агенттигине бул маалыматты тастыктады. Алардын билдирүүсүндө, жол кырсыгы кечээ, 30-октябрда, болжол менен саат 19:00 чамасында болгон. «Тез жардам» унаасы түндүк багытта бара жатып, 68 жаштагы Ш.С. аттуу жаранды сүзүп алган. Ал оор абалда — ачык баш мээ травмасы жана мээнин катуу жабыркашы менен ооруканага жеткирилген. Бирок реанимация бөлүмүндө эсине келбей көз жумган.

Бул факт ЖУИге катталып, бардык зарыл экспертизалар дайындалды.