13-апрелде түнкү саат 23:59 чамасында Бишкек шаарындагы “Көк-Сай” курулуш базарынын ичиндеги пластик, жыгач эшик-терезе, унитаз, эмерек чыгаруучу цехтерден жана “Евразия” базарынын боёк капмасынан өрт чыккан. Бул тууралуу ӨКМ билдирди.

Өрт бүгүн, 14-апрель күнү өрт саат 01:33тө чектөөгө алынып, саат 03:45те толук өчүрүлгөн. Өрттүн аянты болжол менен 400 чарчы метрди түзгөн.

Учурда өрттүн келип чыгуу себеби жана келтирилген материалдык чыгым такталууда.