Бишкектеги мейманканада жарандын 50 доллары жана 13 миң сомдук телефону каракталган. Бул тууралуу шаардык милициядан билдиришти.

Милициянын маалыматы боюнча, окуя 9-январга караган түнү болгон. Белгисиз адамдар Огонбаев көчөсүндөгү мейманкананын номерлеринин бирине кирип келип, Д.И. аттуу жаранды бычак менен коркутуп, телефон менен акчасын алып кеткен. Алар “Хонда Фит” унаасы менен изин жашырып кеткен.

Аталган факт боюнча “каракчылык” беренеси менен кылмыш иши козголгон.

Иликтөө иштеринин натыйжасында шектүү катары 21 жаштагы Б.Н., 25 жаштагы М.А. жана 20 жаштагы Ж.К. аттуу жарандар кармалган.

Милиция буга чейин каракчылар 50 миң доллар алып кеткенин айткан, бирок кийинчерээк тактоо киргизип, 50 долларды каракталганын билдирди.