Бишкектик таэквондочулар эл аралык мелдеште 20 медалга ээ болушту. Бул тууралуу мэриядан билдиришти.
Р. Санатбаев атындагы олимпиадалык резерв мектебинин тарбиялануучулары олимпиадалык WT таэквондо боюнча DREAM CUP OPEN 2023 эл аралык мелдешинде 5 алтын, 4 күмүш жана 11 коло медаль уткан.
Белгилей кетсек, мелдеш 15-17-декабрь күндөрү Казакстандын Алматы шаарында өткөн. Ага Казакстан, Өзбекстан жана Кыргызстандан 1200гө жакын спортчу катышкан.
